Breaking News
Home / இலங்கை / ஆசிரியையின் மோசமான செயல்! கடுமையாக பாதிக்கப்பட்ட வவுனியா மாணவன்

ஆசிரியையின் மோசமான செயல்! கடுமையாக பாதிக்கப்பட்ட வவுனியா மாணவன்

வவுனியாவில் ஆசிரியை ஒருவர் மாணவனை கண்மூடித்தனமாக தாக்கியதில் பாதிக்கப்பட்ட மாணவன் வைத்தியசாலையில் அனுமதிக்கப்பட்டுள்ளார்.

வவுனியா குடியிருப்பு கித்துள் வீதியில் தன்னுடைய இல்லத்தில் தனியார் கல்வி நிலையம் ஒன்றை நடாத்தி வரும் பிரபல பாடசாலை ஆசிரியையால் குறித்த மாணவன் தாக்குதலுக்கு இலக்காகியுள்ளார்.

தரம் நான்கில் கல்வி பயிலும் ஒன்பது வயதுடைய மாணவன் குறித்த ஆசிரியையிடம் கல்வி பயில்வதற்காக கடந்த இரண்டு நாட்களாக கல்வி நிலையத்திற்கு சமூகம் தராமல் இருந்துள்ளார்.

இதனால் ஆத்திரமடைந்த ஆசிரியை குறித்த மாணவனை கண்மூடித்தனமாக தாக்கியுள்ளார்.

ஆசிரியை தாக்கியதில் மாணவனின் மூக்காலும், காதாலும் இரத்தக்கசிவு ஏற்பட்டதுடன் மாணவனின் கன்னம் கண்டல் காயத்துக்குள்ளாகி வைத்தியசாலையில் சிகிச்சை பெற்றுவருகின்றனர்.

குறித்த சம்பவம் தொடர்பில் மாணவனின் பெற்றோரினால் பொலிஸ் நிலையத்தில் முறைப்பாடு செய்யப்பட்டுள்ளது.

குறித்த ஆசிரியை கடந்த காலங்களிலும் மாணவர்களை கடுமையாக தாக்குகிறார் என்ற குற்றச்சாட்டும் பெற்றோர் மத்தியில் நிலவிவருகிறது.

Check Also

முள்ளிவாய்க்காலில் பதிவான நெகிழ்ச்சியான சம்பவம் : புகழும் தமிழ் உறவுகள்!

முள்ளிவாய்க்கால் நினைவேந்தல் பகுதியில் இன்று நெகிழ்ச்சியான சம்பவமொன்று பதிவாகியுள்ளது. இறுதி யுத்தத்தில் உயிரிழந்த உறவுகளுக்கு அஞ்சலி செலுத்தும் நிகழ்வு இன்று …

Leave a Reply

Your email address will not be published. Required fields are marked *