Breaking News
Home / இந்தியா / கல்யாணத்திற்கு நோ சொன்ன காதலி…..அனைவரின் முன்னிலையில் காதலன் செய்த அதிர்ச்சி சம்பவம்!

கல்யாணத்திற்கு நோ சொன்ன காதலி…..அனைவரின் முன்னிலையில் காதலன் செய்த அதிர்ச்சி சம்பவம்!

வேலூரில் திருமணம் செய்ய மறுத்த காதலியை காதலனே கழுத்தறுத்து கொலை செய்ய முயற்சித்த சம்பவம், அப்பகுதி முழுவதும் பரபரப்பை ஏற்படுத்தியுள்ளது.

வேலூர் மாவட்டத்தில் உள்ள காட்பாடி பகுதியில் வசித்து வருபவர் சபீர். எம்பிஏ மேலாண்மை மாணவரான இவர், அதே பகுதியை சேர்ந்த பெண்ணை காதலித்து வந்ததாக சொல்லப்படுகிறது.

இந்த காதல் பெண் வீட்டிற்கு தெரியவர, அவர்கள் பெண்ணை கண்டிக்கத்தொடங்கினர். மேலும் தொடர்ந்த பிரச்னைகள் காரணமாக சபீர் மீது பெண்ணின் பெற்றோர் இரண்டு முறை காவல்நிலையத்தில் புகார் அளித்தனர்.

பிறகு சபீர் வீட்டை சேர்ந்தவர்களிடமும், அவர் காதலித்த பெண்ணின் பெற்றோர்களிடமும் போலீசார் பேச்சு வார்த்தை நடத்தினர். பிறகு இருதரப்பினரையும் சமரசம் செய்து வைத்து அனுப்பி வைத்தனர்.

ஆனால் பிரச்னைகள் நின்றபாடில்லை. இரு வீட்டுக்கும் தெரியாமல் சபீர் மற்றும் அந்த பெண்ணும் காதலை தொடர்ந்துள்ளனர். இந்நிலையில் நேற்று இருவரும் வேலூரில் உள்ள உணவகத்திற்கு சாப்பிட சென்றுள்ளனர்.

அப்போது காதலர்களுக்கிடையே கடும் வாக்குவாதம் நடந்துள்ளது. சபீர், தன்னை திருமணம் செய்துக்கொள்ள பெண்ணை வற்புறுத்தியுள்ளார். ஆனால் தனது பெற்றோரை மீறி திருமணம் செய்ய முடியாது என்று அப்பெண் கூறியுள்ளார்.

இதனால் மிகுந்த ஆத்திரமடைந்த சபீர் உணவகத்தில் மேஜை மீதிருந்த கத்தியை எடுத்து அவரது காதலியின் கழுத்தை அறுத்துள்ளார். இதை பார்த்து அதிர்ந்த பொதுமக்கள் சிலர் சபீரை அந்திடத்திலிருந்து நீக்கி, பெண்ணை மீட்டு மருத்துவமனையில் அனுமதித்தனர்.

மருத்துவமனையில் உரிய நேரத்தில் சிகிச்சை அளித்து பாதிக்கப்பட்ட பெண் காப்பாற்றப்பட்டுள்ளார். அவருக்கு கழுத்தின் எட்டு தையல் போடப்பட்டுள்ளதாக பெண்ணின் குடும்பத்தினர் தெரிவித்துள்ளனர்.

இதற்கிடையில் உணவகத்திலிருந்த பொதுமக்கள் சபீரை பிடித்து வேலூர் மாவட்ட, காவலர்களிடம் ஒப்படைத்தனர். தற்போது காவல்நிலையத்தில் அவர் மீது வழக்குப்பதிவு செய்யப்பட்டுள்ளது.

Check Also

இளைஞர்களின் மோசமான செயலால் நடு வீதியில் நடந்த அதிர்ச்சி..!

கொழும்பு பிரதான வீதியின் புணானைப் பகுதியில் மோட்டார் சைக்கிள்கள் ஒன்றுடன் ஒன்று மோதிக் கொண்டதில் ஒருவர் உயிரிழந்துள்ளதுடன் மூவர் படுகாயமடைந்துள்ளதாக …

Leave a Reply

Your email address will not be published. Required fields are marked *